Santiago
2 jomaurãba ãrĩãdu miadaa asebadau 13 ¿Kai machiɗebenaba chi bi’ia ɓuudu kʉ̃risiaɓua mauɗe ũripeɗa bi’ia chi jarabudau? Unubise ichia chi bi’iadu aseɓuuba ichia bi’ia kʉ̃risiaɓuuba peleabiwẽa. 14 Maamina, machirã korasonɗe jomaurãba jiwaa iɗaa aseɗapeɗa, mauɗe kĩruduanuubʉrã peleaɗayua waabenarã ome, unubirãabaɗa waabenarãmaa machiaburu aude kuitaanuree, ni setaa biɗa jararãabaɗa. 15 Dachi Akõreba jãka kʉ̃risiakaa, mauɗe kosarã siɗa jãka asekaa, bari chi ẽbẽrarãɗe, animararãɗe mauɗe demoniorãɗe. 17 Chi kʉ̃risiaɗapeɗa mauɗe Dachi Akõreka asenuree chi ne kachirua aseɗakaa. Mauɗe waabenarã ara ambua duanaɗaidu kʉ̃riaduanua. Ãchiara chi kosarã joma ãchiaburu bi’ia asebadau aɗapeɗa kʉ̃risiaɗakaa ũribabanureapeɗa mauɗe waabenarã chichuburia unubibadaa, chi supriduanuu kakua ãchiara joma biadu aseduanua. Jomaurã ara aɓau ɗausia trata iranurea mauɗe chi berdaɗe kereɗapeɗa duanua. 18 Maubapeɗa, chi waabenarã aiɗaduanuu ambua duanaɗayua peleaɗawẽa mambera chi jipa ɓuudu aseduanua.