-
Ara kiruma aɗayubʉ dachi chokae nureeɗebena jãu kĩrawãrea ãrĩã ɓuu bẽrãSaka kĩrajʉʉ biuwẽa nibaiba Bibliaɗebena kawaniiba
-
-
2. ¿Saka unubi panua Jeowamaa ara kiruma abadau dachi chokae nureeɗeeba?
Bichi, nawe ɓiɗe eɗa ɓoosiiɗe, Jeowaba bichi ãrĩã kʉ̃riaɗa basia. Jeowa baita traja nii ichi trʉ̃ David baɗa, ichia naka ʉtaa wiɗisii Jeowamaa: “Bichi dauba unuɗa baɗa mʉ ʉ̃rãburu ɓitaɗe eɗa kiruu” (Salmo 139:16). Jeowaba ãrĩã bustabarii bichi chokae niiɗeeba (Mateo 10:29-31 leas). Ichimaa chi puʼua ãrĩã ɓoobaria aɓabenaba junebena beataburuu kakua, makawẽebʉrã ara ichi du aɓa biuburuuɗe (Éxodo 20:13).a Dachia kauwa ochiaɗawẽebʉrã dachi kakua mauɗe waabenarãɗe biɗa, Jeowa ãrĩã nomaa sentii ɓua. Dachi du aɓauba biʼia kuida ɓuubʉrã mauɗe waabenarã biɗa respeta niibʉrã, unubi panuu dachia respeta panuu dachi chokae nuree.
-
-
Ara kiruma aɗayubʉ dachi chokae nureeɗebena jãu kĩrawãrea ãrĩã ɓuu bẽrãSaka kĩrajʉʉ biuwẽa nibaiba Bibliaɗebena kawaniiba
-
-
a Jeowaba kauwa ochia ua kuɓua chi corazón nomaa nureerãɗeeba (Salmo 34:18). Ichia kawa nia dachi nomaa nuree dachi corazonɗe kʉ̃risiaduuɗe ara dachi du aɓa beabii kʉ̃risiabadaa, jãuɗéburu dachi ichia aiɗa kʉ̃ria ɓua. Kawase chi ichia jaradea ɓuu biʼia ãrĩã ɓuu chi articuloɗe “¿Chi Bibliaba aiɗa ɓubaaka mʉ du aɓa biui kʉ̃ria ɓuuɗe?”, leai ɓua “Nau ochias mauchaburu kawayua” nau lesionɗe.
-