• ¿Kãareba mau Dachi Akõre Kobierno?
    Saka kĩrajʉʉ biuwẽa nibaiba Bibliaɗebena kawaniiba

    • 7. Ley Kobierno Dachi Akõreɗe aude biʼia ɓea ẽbẽrarãɗe kãyabãra

      Chi kobierno ẽbẽrarãɗeba leyrã asebadaa ãchia bereka ãchi puuru biʼia ɓua ira panaɗayua. Dachi Akõre Kobierno siɗa ley bara ɓua, mauɗe ichi puuruɗebenarãba mau kumplibaraaɗai. 1 Corintios 6:​9-11 leaɗapeɗa, mambea nau ʉ̃rʉbena beɗeasturu:

      • ¿Saka ɓooi kʉ̃risia baraa bichia iujãa jomaurãba Dachi Akõre beɗea ũribudauɗe?a

      • ¿Bichi baita ariɗe ɓue Jeowaba wiɗiyua chi leyrã ichi Kobiernoɗe ẽbẽrarãba respetaɗayua? ¿Sakayua jãka panau ɓua?

      • ¿Saka kuitaa panaa ẽbẽrarãba nau leyrã ũriɗawẽe kambiaɗai ɓuu? (Versículo 11 ochiábaɗa).

      Policiaba chi carro aka nuɓuduabarii chi ẽbẽrarã buekai baita. Chõra chekerã mauɗe warrarã chekerã maarã calleɗe ãda kãri panuu.

      Chi kobierno ẽbẽrarãɗeba leyrã asebadaa ãchia bereka ãchi puuru biʼia ɓua ira panaɗayua. Dachi Akõre Kobierno siɗa ley baraa ɓua, jãarã aude biʼia ɓea chi ẽbẽrarãɗe kãibara, jãarãba biʼia ua ɓua mauɗe ãrĩãdu aiɗabadaa chi Dachi Akõre Kobierno juaɗe uabadaurã.

  • Chi Bibliaba jara ɓuu mukĩra wẽra baara kãibadauɗebena
    Saka kĩrajʉʉ biuwẽa nibaiba Bibliaɗebena kawaniiba

    • Jeowaba kuitaa ɓuu kãare biʼia ɓuu dachirã baita. Mauba jara ɓuu saka dachi kʉ̃risiayu jayoaswẽa nibayua mauɗe kãarea mau biʼia ãrĩã ɓuu. Proverbios 7:7-27 leaɗapeɗa mauɗe BIDEO ochiábaɗa. Mambea nau ʉ̃rʉbena beɗeasturu:

      BIDEO: Chi kachirua kʉ̃risia nureerã biʼiawẽe wãbadaa (9:31)

      • ¿Saka jãu kũudrãa nii kachirua ɓeeɗe ɓaesaa? (Proverbios 7:8, 9 ochiábaɗa).

      • Proverbios 7:23, 26 jara ɓuuɗe, dachi kakua ome kachirua aseburuuɗe biʼiawẽe wãbadau. Dachi kʉ̃risia biʼia niibʉrã, ¿kãare problemarã bara nibaɗaabaiba?

      • ¿Dachi jipa nibapeɗa jayoaswẽa niibʉrã mauba saka dachi biuɗawẽa nureabi ɓua?

      Chi ɓeeba kʉ̃risiabadaa ariɗe ɓuuwẽe chi Bibliaba jara ɓuu mukĩra nii aɓau mukĩra ome mauɗe wẽra nii aɓau wẽra ome kãi noɓeeyu ʉ̃rʉbena. Madu Jeowaba kʉ̃ria ãrĩã nii mauɗe ichia kʉ̃ria ɓuu jomaurã kĩrajʉʉ biuɗawẽa nureaɗayua. Mauɗe jãka duanaɗai baita, chi ichia jara ɓuu dachia asebaraaɗai. 1 Corintios 6:9-11 leaɗapeɗa, mambea nau ʉ̃rʉbena beɗeasturu:

      • Dachi Akõre kʉ̃risiamaarã, ¿mukĩra nii aɓau mukĩra baara mauɗe wẽra nii aɓau wẽra ome kãi noɓeei kʉ̃risiaburuu ara jãdu biʼiawẽe ɓue?

      Dachi Akõre kĩrajʉʉbii kʉ̃ria duanuubʉrã, jomaurã kambiabaraaɗai. ¿Biʼia ɓue dachi ãrĩã berekayu ne miadaa ida ɓui baita? Salmo 19:8, 11 leaɗapeɗa, mambea nau ʉ̃rʉbena beɗeasturu:

      • ¿Bichimaa biʼia ɓue Jeowaba jara ɓuu dachi kakua ome ase panuuɗebena? ¿Sakayua?

      Diujorã: 1. Chi wẽrakau nomaa nii ichi novio jʉ̃kaa aka kuɓuu. Ichia itua dopeɗa cigarrillo dobarii ichi amikorã ome discotecaɗe. 2. Araɓau wẽra kĩrajʉʉ beɗea ɓuu nawekaurã ome Jeowa ɗebena Jaranũrẽ Deɗe.

      Jeowaba ãrĩãdu aiɗa ɓuu ẽbẽrarãba ichia jaraburuu aseɗayua, mauɗe bichi siɗa aiɗai ɓua.