• ¿Kãare asei ɓua pekao choroma aseburuubʉrã?
    Saka kĩrajʉʉ biuwẽa nibaiba Bibliaɗebena kawaniiba

    • 4. Jeowaba chuburiakuabarii chi pekao asepeɗaaɗa baɗa

      Ẽbẽra ɓuuba pekao choroma aseɗa baɗa niiba maabea Jeowaba jara ɓuu ase kʉ̃riawẽe niibʉrã, konkrekasionɗebena awara bʉeɗayu. Maabea dachirãra ichi mau ome meraaɗaabai ɓuu. 1 Corintios 5:6, 11 leaɗapeɗa, mambea nau ʉ̃rʉbena beɗeasturu:

      • Ara jãka chi levaduraba pan waubarii masa eɗa joma ẽesãabibarii kĩra, bichimaa chi pekao asepeɗa arrepentiwẽa nii ome meraa paneebudau, ¿jãuba ãrĩãdu daño ase ɓue konkrekasionɗebenarãmaa? ¿Sakayua?

      Dawaraurãba Jeowa kĩra chuburiabadau bẽrã, jʉrʉbadaa chi konkrekasionɗebena bʉepeɗaaɗa maabea aiɗabadau ãchi waya neebiɗai baita. Ãchiɗebena ãrĩã waya nee nurea konkrekasionɗaa, ¿sakayua? Ãchi iadaapeɗaaɗa baɗa mau puʼua ɓuu kĩra ɓosmina, ãchirã ũkuru biʼia kʉ̃risiabiasia waaburu miadaa aseɗaamaaba (Salmo 141:5).

      • Aɓa awara bʉeɗa baɗa maabea arrepentiɗakare Jeowaba waya adau nia ¿mauba saka unubi nia ichia ẽbẽrarã kʉ̃riapeɗa kĩra chuburiabarii?

      5. Jeowaba dachirã perdonabaria arrepentiɗarã

      Jesusba dachirãmaa nebʉrʉɗa basia dachia kawaɗai baita Jeowa saka sentibarii ẽbẽra aɓa arrepentiburuuɗe. Lucas 15:1-7 leaɗapeɗa, mambea nau ʉ̃rʉbena beɗeasturu:

      • ¿Kãare saka jaradea ɓua Jeowa ʉ̃rʉbena Jesusba dachirãmaa nebʉrʉɗaba?

      Ezequiel 33:11 leaɗapeɗa, mambea nau ʉ̃rʉbena beɗeasturu:

  • Apii jipaburu nibayua Jeowa ome
    Saka kĩrajʉʉ biuwẽa nibaiba Bibliaɗebena kawaniiba

    • 1. ¿Ẽbẽrarãba kãare aseɗai ɓua dachi jipa nuree Jeowa ome ida ɓuibiyua?

      Chi nuree ẽbẽrarãba berekaɗai ɓua dachi Jeowa baita trajaɗaiɗebena ida ɓuibiɗayua. ¿Kaiba jãka aseiba? Chi ɓuipeɗaaɗa baɗa chi biawãra ɓuu Bibliaɗebena, mauɗe setaa jaramaa duanua chi organización Dachi Akõreɗebenaba dachi fe bara nuree akabaɗayua. Jãarã ẽbẽrarã apóstatas abadaa. Chi nuree líder religionɗebenarã ãchia biɗa setaa jarabadaa dachirã ʉ̃rʉbena chi wabiɗa biʼia kawawẽa nuree ɓuibiɗayua chi biawãra ɓuu. Jãu miadaa ãrĩã ɓua beɗea nibayu Dachi Akõre iadaa nureerã ome, ãchi librorã leayu, internetɗe kuɓupeɗaaɗaɗebena maebʉrã ãchi bideorã ochiaɗayua. Jesusba beɗeamaa ɓoosiiɗe maarã ẽbẽrarã ʉ̃rʉbena jarasii: “Ida ɓúibaɗa. Jãarãba o unubibadaumina dau pãriu nuree kĩra duanuu. Mauɗe, dau pãriu niiba aɓa dau pãriu niimaa oɗe odoemaa ɓuubʉrã, choɓeaɗe ɓae wãɗayua omea” (Mateo 15:14).

      2. Dachi Jeowa omeburu jipa nureaɗayua, ¿kãare aseɗaiba?

      Dachirãba Jeowa kʉ̃ria nuree bẽrã, junebena religión baara nibaɗaabayua. Jãuɗéburu dachi trajo, chi organización dachi nureeɗebena, mauɗe chi dachia asebadau, religión setaa jara nuree maarã ome nibai kʉ̃riaɗawẽa. Jeowaba naka jaraɗa basia ichi puurumaa: “Jãuɗebena awara wã́sturu”, chi Babilonia Choromaɗebena (Apocalipsis 18:2, 4).

      AUDE KAWABA

      Kʉ̃risiaba kãare asei ɓua bichia waabenarãba ida ɓuibiimaaba Jeowa ome jipa nibayu. Maubapeɗa, kawa nibaba sakayua Babilonia Choroma baara niiwẽeba jãkaburu jipa nibai ɓuu Jeowa ome.

      3. Kauwa nibaba setaa jara nureerã ome

      ¿Kãare aseɗai ɓua ũri duanuubʉrã setaa jara ɓeeɗebena chi organización Jeowaɗe? Proverbios 14:15 leaɗapeɗa, mambea nau ʉ̃rʉbena beɗeasturu:

      • ¿Sakayua ijãaɗaabaiba joma jara kopanuuɗebena?

      2 Juan 9-11 leaɗapeɗa, mambea nau ʉ̃rʉbena beɗeasturu:

      • ¿Dachi ara kaita nibai ɓue chi Jeowa ɓuipeɗaaɗarã ome?

      • Bariara kaitawẽe nibai siɗa chi Jeowa ɓuipeɗaaɗarã ome, ¿saka dachia ãchi kĩra kʉ̃risia ɓeeɗai ɓua?

      • Dachia ũribudaubʉrã miadaa jarabudau Jeowa maebʉrã ichi organización ʉ̃rʉbena, ¿bichia saka ai ɓua ichi sentibariiɗebena?

      4. Jipa nibaba Jeowa ome chi ãba pekao aseburuuɗe