Na Lungthin Kha I Timtuah

Baibal kan hlathlai tikah Jehovah ruahnak cu kan lungthin asiloah kan chunglei minung cung ah huham ngei seh ti kan duh. Ezra kha kan i zohchunh khawh. Anih cu “BAWIPA phungbia cawn awk . . . kha a lung in aa timtuah.” (Ezra 7:10, NWT) Kannih tah zeitindah kan lungthin kan i timhtuah khawh?

Thla cam. Baibal hlathlainak na tuah hlanah thla cam hmasa. Ṭha tein na hngalhthiam khawh nakhnga le na cawnmi na zulh khawh nakhnga Jehovah sinah bawmhnak hal.—Salm 119:18, 34.

Aa toidormi si. Pathian nih aa porhlawmi le anmah fimnak aa rinhmi cu biatak kha a thuhkanh hna. (Luka 10:21) Midang upatnak hmuh duh ah na hlaithlaimi a si nakhnga lo i ralring. Aa toidormi na si ahcun na ruahnak le Pathian ruahnak aa khah lo tikah thlennak tuah na duh lai.

Pennak hla pakhat kha ngai. Music cu kan lungput le kan intuarnak cung ah huham a ngei kho. Cucaah hlathlainak tuah hlanah Pennak hla kan ngaih hmasa ahcun mah nih kan lungthin i timhtuah ding in a kan bawmh lai.