Hngalh A Fawimi Lam In Cawnpiak

Jesuh Nih Zeidah A Tuah?

VIDEO: Kan Pa Nih A Kan Zohkhenh Ti Kha Jesuh Bianabia Nih A Langhter

1. VIDEO kha zoh asiloah Matthai 6:25-27 rel. Cun a tanglei biahalnak hna hi i ruah u:

1. Jehovah nih a kan zohkhenh ti kha Jesuh bianabia nih zeitindah a langhter?

2. Jesuh nih va kong kha tampi a hngalh ko nain a sawhsawhte a simi kong ah zeicah lungthin a pek? Mah fuhpanh ning cu zeicah hmual a ngeih?

Jesuh Sinin Zeidah Kan Cawn Khawh?

2. Hngalh a fawimi lam in kan cawnpiak hna ahcun mi nih kan cawnpiakmi hna kha an i cinken lai i an lungthin kan suk khawh hna lai.

Jesuh Kha I Zohchunh

3. Bia tam tuk chim hlah. Na hngalhmi kong vialte chim dih canah nan cawnmi cauk cung tu ah lungthin pe. Biahalnak na tuah hnuah Baibal na cawnpiakmi nih a phit khawh nakhnga lungsau tein hngak. A phit khawh lo asiloah Baibal cawnpiaknak he aa ralkah in a phit ahcun mah kong ruah awkah a bawmmi a dang biahalnak hna kha hmang. Baibal na cawnpiakmi nih a biapimi a kong a hngalhthiam hnu lawng ah a dang kha cawnpi.

4. A hngalhciami kong le a kong thar a pehtlaihter khawh nakhnga Baibal na cawnpiakmi kha bawm. Tahchunhnak ah, thawhṭhannak kong nan cawn hlanah mithi kong he aa tlaiin a hngalhciami kong kha a tawinak in nan i ruah ṭhan kho.

5. Tahchunhnak kha ralring tein hmang. Tahchunhnak na hman hlanah hitin i hal:

1. ‘Mah tahchunhnak cu hngalh a fawi maw?’

2. ‘Baibal ka cawnpiakmi nih fawi tein a hngalthiam lai maw?’

3. ‘Mah nih tahchunhnak lawng si loin a biapimi kong kha i cinken awkah a bawm lai maw?’