Baibal Cawnpiakmi

Pathian Pennak cu Zeidah a Si?

MI CHEUKHAT ZUMHNING Pathian Pennak cu mi pakhat lungthin chungah a ummi a si tiah an ruah; a cheu nih mi vialte nih vawleicung ah daihnak a um nakhnga an i zuam tikah Pathian Pennak a ra lai tiah an ruah. Nangtah zeitindah na ruah?

BAIBAL CAWNPIAKMI

“Vancung Pathian nih pennak pakhat a ser lai i cu pennak cu zeitikhmanh ah a rawk lai lo. . . . Hi [minung] pennak vialte hi a hrawh dih hna lai i a donghter dih hna lai.” (Daniel 2:44) Pathian Pennak cu a um taktakmi cozah pakhat a si.

BAIBAL IN KAN CAWN KHAWH RIHMI

• Pathian Pennak nih vancung in a uk lai.—Matthai 10:7; Luka 10:9.

• Pathian nih a Pennak kha hmangin vancung le vawleicung ah a duhnak a tlinter lai.—Matthai 6:10.

Zeitik ah dah Pathian Pennak a rat lai?

ZEITINDAH NA RUAH?

• Ahohmanh nih an hngal lo

• A rauhhlan ah a ra lai

• Zeitikhmanh ah a ra lai lo

BAIBAL CAWNPIAKMI

“Miphun vialte hna ca i tehte si awkah vancung Pennak kong Thawngṭha hi khuazakip ah chim a si lai, cun cu hnu lawngah cun donghnak cu a si lai.” (Matthai 24:14) Vawleicung pumpi ah thawngṭha chim dih a si tikah Pennak nih hi chan ṭhalo hi a donghter lai.

BAIBAL IN KAN CAWN KHAWH RIHMI

• Pathian Pennak a rat lai caan kha vawleicung mi ahohmanh nih an hngal lo.—Matthai 24:36.

• Baibal chimchungbia hna nih a rauhhlan ah Pennak a ra cang lai ti kha an langhter.—Matthai 24:3, 7, 12.