Mi Va Bawmh Ding Lam Pakhat

A hmaanmi Khrihfa hna cu Pennak Thawngṭha karhternak zapi hmai i Pathain rianṭuannak ah an i tel. (Pil. 2:17) Cucu atlam tlinter awkah lam pakhat in, a hrampi asimi brochure, weisa le capar cheukhat kha holh phun 20 in Internet www.watchtower.org ah langhter dih asi cang. Jehovah Hngaltu hna sinah a hnu bik chuahmi cauk pawl pekṭhenh dingah hi Web site hi timhtuahmi asi lo. Hi timhnak cu Baibal hrambunh in Jehovah Hngaltu hna cawnpiakmi a kong he pehtlai in zapi nih a hmaante in an hmuh khawh nakhnga caah asi.

Atu naite ah hmannak nawl an pekmi kan Web site ah khan a biapimi thil pakhat kha kan khumh ṭhan. Cucu holh phun 220 leng in Pathian Nih Zeidah A Kan Hal? brochure kha asi. Holh phun dihlak in 2004, January 1 le January 8, chuahmi Vennak Innsang le I Hlau! thawkin a hnulei cahmai ah kan Web site umnak hmun (address) kha kan ṭial chih cang.

Hi hriamnam cu zeitindah hman khawh asi? Theih dunnak a ngei ko nain adang holh phun khat lawng a hngalthiammi pakhat he nan i tong kho men. Amah cu Internet a hman thiam asi ahcun Vennak Innsang asilole I Hlau! a hnulei cahmai i Web site umnak hmun (address) kha na piah khawh. Cu ti cun amah holh in cauk pawl kha lak in na va len ṭhan hlan tiang an holh in Zeidah A Kan Hal? Brochure kha a rel lai i a hlathlai khawh lai. Asilole amah holh a hmangmi khrihfa bu asiloah bu (group) kha amah sin va len awkah na chimh khawh hna.