Midang Hrawm awk Rothil Kan Ngei
1 Pathian Bia ah kan duh tukmi cawnpiaknak man sung tampi aa tel. (Salm 12:6; 119:11, 14) Voikhat ah Jesuh nih Pennak kha kap tampi in a langhtermi bianabia pawl a hman hnu ah a zultu pawl kha “Hi vialte hi nan hngal kho maw?” tiah a hal hna. Kan hngalh tiah an leh tikah Jesuh nih hitin a ti hna: “Phungbia cawnpiaktu saya, Vancung Pennak kong cawnpiaknak a cohlangmi cu, inn ngeitu, a thil khonnak chungin thil thar he thil hlun he a chuah lengmangtu bantuk a si.”—Matt. 13:1-52.
2 Baibal kan rak cawnka lio hngalhmi biatak kha man sungmi rothil hlun in kan hmuh khawh. Pathian Bia kha thukpi in pumpak hlathlainak tuahnak thawngin kan hun i chapmi Baibal biatak hngalhnak cu kan caah rothil thar an si. (1 Kor. 2:7) Cun “zumh awk a tlak i a fimmi sal” thawngin rothil thar kha kan hun hngalhthiam.—Matt. 24:45.
3 Hi thlarau rothil a hlun le a thar kha kan sunsak tuk. Mah nih kan hun hngalhmi man ngei tukmi biatak kha siang ngai in midang hrawm venak in Pathian Bia a cawnpiaktu in cawnnak le hmuhtonnak i lak awkah a kan forh.
4 Jesuh Zohchunhawk In Cawng: Jesuh nih mah rothil kha midang hrawm awk fakpi aa zuamnak in mah kha zeitindah a hmuh ti a langhter. Jesuh cu a bat tuk lio hmanh ah a “buk” chungin rothil kha chuah loin a um lo.—Johan 4:6-14.
5 Thlarau lei ah sifakmi kha Jesuh nih a dawt hna caah zungzal nunnak a pe khomi Pathian biatak rothil a hrawm hna. (Salm 72:13) Thlarau rawl a ṭammi kha Jesuh nih a zaangfah hna caah “thil tampi a cawnpiak hna.”—Mar. 6:34.
6 Jesuh Nawl I Cawn: Kan ngeihmi rothil kan sunsak ahcun Jesuh bantuk in thlarau lungvar kha Baibal in dairek hmuhsak awkah kan tha a tho tuk lai. (Ptb. 2:1-5) A caancaan ah kan tha a ba ko lai nain thlarau lei biatak kha lungtho ngai in kan chim lai. (Mar. 6:34) Kan ngeihmi rothil sunsak tuknak nih phungchimnak rian ah tampi i telnak in mah kha a si khawh chung kauhter awkah a kan forh lai.