Mekazin He Aa Tlai In Chim Ding

Vennak Innsang Oct. 1

“Hmailei ah zeidah kan ton lai ti kha mi tampi nih hngalh an duh. Atu kan caan he aa tlai in a luancia kum 2,000 lio rak ṭialmi a kong pakhat kha zaangfahnak in kan relpiak lai. [Matthai 24:7 rel law cahmai 7 capar kha hmuhsak.] Mah hi hmailei kong Baibal chimchungmi tampi lakah pakhat a si. Hi mekazin nih hmailei a cang dingmi thil cheukhat kha a fianter.” Cahmai 8 capar kha hmuh­sak.

I Hlau! Oct.

“Pathian sining kong taktak he aa tlai in biaknak tampi nih hmuhning a phunphun an ngei. Asinain Pathian Fapa Jesuh nih zeitindah Pathian kong a langhter kha cacang pakhat ah kan relpiak lai. [Johan 4:24 rel.] Hi capar nih “Pathian kokek sining cu zeidah a si?” timi biahalnak he aa tlai in Baibal hmuhning kha cahmai pahnih te lawng in a langhter.” Cahmai 16 le 17 capar kha hmuhsak.

Vennak Innsang Nov. 1

“Thih hnuah zeidah kan can ti kha mi tampi nih an ruah. Hell-mei cawnpiaknak an lung ah a hun luh tik cun thih hnuah zeidah kan can kha an ruat duh ti lo. A thimi hna umtuning taktak he aa tlai in Baibal chimmi hngalh duh awk a kong pakhat kan relpiak lai. [Phungchimtu 9:5 rel.] Hi mekazin na rel ahcun hell le thihnak he aa tlai in hrimhnak a pemi bialehnak na hmuh lai. Na caah laksawng in kan ṭhenh.”

I Hlau! Nov.

“Hlawhtlinnak kha min thannak, phaisa asiloah cawnnak sang ngeih he mi nih an pehtlaihter tawn. Hi thil hna ngeih loin hlawhtlingmi nunnak ngeih khawh a si kha na hngal maw? Hlawh­tlin awkah zeidah a herh ti Baibal chimmi kha kan relpiak lai. [Salm 1:1-3 rel.] Mah capar nih hlawhtlinnak tawhfung paruk a fianter.” Cahmai 6 capar kha hmuhsak.