Na Rianṭuannak Na Kauhchap Kho Maw?
1. Phungchimnak rian ah zeidah biapi ngai in a herh, zeiruangah?
1 Pennak thawng ṭha kha mi tampi nih hngalh an duh a hmuh tikah Jesuh nih a zultu pawl kha “rawlṭuan uktu Bawi sinah cun, rawl ṭuantu tam deuh a thlah hna nakhnga, thla va cam tuah u” tiah a rak fial hna. (Matt. 9:37, 38) Rawlṭuan caan a hmanung bik ah kan um caah kan rianṭuannak cu hlan zei lionak hmanh in a biapi deuh. Mah nih phungchimnak rian ah tam deuh zeitindah kan i tel khawh lai kha thlacam in ruah awk a si tiah a ti duhnak a si.—Johan 14:13, 14.
2. Phungchim rian ah rianṭuantu tam deuh sawmnak kha mi cheu nih zeitindah an leh?
2 Phungchim Rian Kauhchapnak Lam hna: Mi tampi cu Jehovah lamhruainak le bawmhnak in hmaikal rian ah an i tel khawh kha an hmuh. (Salm 26:2, 3; Fil. 4:6) Mi cheukhat cu kum khat chungah thla khat asiloah mahnak tam manhcaan hmaikal ṭuan awkah a hlei in thazang an chuah. Mah cu an phungchimnak rian kauhchap awkah lam ṭha pakhat a si ti a fiang. Hi tinvo sung ah i telnak in hmuhmi lawmhnak nih mi tampi kha caanhmaan hmaikal ṭuan ding in a ruahter hna.—Lam. 20:35.
3. Hlan ah hmaikal na rak ṭuan bal ahcun atu zeidah na ruah awk a si?
3 Hmaikal Rian Na Ṭuan ṭhan Kho lai Maw?: Hlan ah hmaikal a rak ṭuanmi pakhat na si ahcun kha caan lio lunghmuihnak philh khawh lomi na ngei lai ti a fiang. Hmaikal rian ah i tel ṭhan ding kha thlacam in na tuaktan cang maw? Hlan ah hmaikal rian an ngoltermi thil sining hna cu atu dawntu a si ti men lai lo. Atu ah hmaikal ṭuan ṭhan ding caanṭha na ngei.—1 Johan 5:14, 15.
4. Kan dihlak in a hleikhunmi zei tinvo dah kan ngeih?
4 Rawlṭuannak cu ṭhate in ṭuan a si cang caah a rauhhlan ah lim a si cang lai. (Johan 4:35, 36) Nifa ṭuanmi rian kha thlennak tuah khawh le khawh lo thleidang in biakhiahnak tuah khawh awkah kan dihlak in atu kan sining kha ruat u sih, cutikah phungchimnak rian i telnak kha kan kauhchap khawh lai. Asiloah kan rianṭuannak kha kan kauhchap khawh taktak lo ahcun hmualngei deuh in ṭuan khawhnak lam hna kan kawl kho maw? (Mar. 12:41-44) Jehovah rianṭuan awkah atu an sining nih a pekmi vialte caah hmaikal rian ah i tel cu tinvo sung pakhat a si!—Salm 110:3.