Chim Ningcang

February Thla Zarhkhatnak Zarhte Ni asiloah Zarhpi Ni ah Baibal Cawnpiaknak Thawk Ding

“Mi cheukhat nih Baibal cu zumh awk a tlakmi chimchungbia cauk a si tiah an zumh. A cheukhat nih cun Baibal chimchungbia cu a fian set lo caah a phunphun in a sullam chim khawh a si tiah an ruah. Nang tah zeitindah na ruah?” A bialehnak hngak. Cun inn-ngeitu kha January 1, Vennak Innsang pe law cahmai 16 i a hmasa bik biatlangte tang catlangbu kha i ruah u law Baibal cang aa ṭialmi ah a tlawm bik cang khat kha relpiak. Mekazin kha pe law biahalnak pahnihnak i ruah ṭhan awkah lennolh tuah ding tim.

Vennak Innsang January 1

“Hlanlio zumhfekmi hna sin in kan i cawn khawhmi tampi a um ti hi na hna a tla maw? [A bialehnak hngak.] Baibal ah “Pathian hawi” tiah auhmi pakhat lawng a um. Amah cu aho a si kha hi Baibal cang ah zoh hmanh. [Jeim 2:23 rel.] Pathian nih Abraham cu zeicah a hawi in a hmuh ti le a sin in zeidah kan i cawn khawh ti kha hi mekazin nih a fianter.”

I Hlau! January

“Vawleicung chaw lehthalnak ah ziknawh pek le ziknawh ei le a dang dinfel lonak hna hi a hung tam tuk cang. Mi cheukhat nih chaw lehthalnak i hlawhtlin awkah tlawmpal cu lihchim a hau tiah an ruah. Nang  tah  zeitindah  na ruah? [A bialehnak hngak.] Hngalh duh awk ngai a simi hi phungthlukbia hi zoh hmanh. [Phung-thlukbia 20:17 rel.] Hi mekazin nih dinfel cu zeicah man a ngeih timi kong a fianter.”