Biaruahnak Thawk Khawhnak caah Timhtuahnak Thar

2016, January thla thawk in zapi caah chuahmi Vennak Innsang mekazin a hnulei phaw ah “Baibal cawnpiakmi” timi aa tel. Mah timhtuahnak thar nih Baibal kong in biaruahnak thawk khawh awkah a kan bawmh. A pungsan cu cazual he aa lo. Hmuhning biahalnak pakhat le mah biahalnak caah Baibal a phi aa tel. Cun i ruah chap khawh awk a kong hna zong aa tel.

Baibal kong in biaruahnak thawk buin Baibal cawnpiaknak thawk khawh a si. Thlaraulei fimnak a ṭamhalmi bawmh hna awkah mah timhtuahnak thar hi hmang.​​—⁠Mt 5:⁠6.

HMAN KHAWH NING

1. 1 Langhtermi biahalnak pakhatkhat kong he aa tlaiin inn-ngeitu i a hmuhning kha hal

2. 2 Inn-ngeitu nih a chimmi kha ngai law cohlanpiak

3. 3 “Baibal Cawnpiakmi” timi biatlang tang i Baibal cang kha relpiak law inn-ngeitu i a hmuhning kha hal. Inn-ngeitu nih a caan a pek khawh ahcun “Baibal in Kan Cawn Khawh Rihmi” timi biatlang tang i a kong pakhat kha hmang law biaruahnak kha peh

4. 4 Mekazin kha pe

5. 5 A pahnihnak biahalnak kha i ruah khawh awkah lennolh tuah dingin timhtuah