Lungtho Tein Dong Hna

Ahote dah kan don hna awk a si? Mithar hna i tel in a rak i pummi ahopoah kha kan don hna awk a si.a (Rom 15:7; Heb. 13:2) A rak i pummi hna cu ramdang in a rak tlawngmi unau asiloah aa pumh lonak a sau cangmi, a cawlcang ti lomi an si men lai. Nangtah lungtho tein don na si ahcun zeitindah na intuar lai? (Matt. 7:12) Biakinn ah tuan tein phanh in pumh hlan asiloah pumh dih hnuah midang chawnhbiak awkah naa zuam kho lai maw? Cutin tuahnak nih Khrihfabu ah dawtnak a umter i Jehovah thang a ṭhatter. (Matt. 5:16) Aa pummi vialte kha chawnhbiak khawh an si lai lo ti cu a hmaan ko. Asinain unau dihlak nih lungtho tein kan don cio hna ahcun cutin kan tuah khawh ko lai.

Khualtlung dawtnak kha Ruahnolhnak caan ti bantuk a sunglawimi caan lawngah langhter si loin zeitik caan paohah kan langhter awk a si. Mithar pawl nih Khrihfa dawtnak kan langhtermi an hmuh tikah Pathian thangṭhat awk le a thiangmi biaknak ah i tel ve awkah a forh hna lai.—Johan 13:35.