Internet In Pehtlaihnak—Ṭih a Nungmi Rap kha Hrial

ZEICAH A BIAPIT: Internet in pehtlaihnak cu a dang hriamnam hna bantukin man a ngei, asinain kan hman thiam lo ahcun ṭih a nung. Khrihfa cheukhat nih internet in pehtlaihnak kha hman lo awkah an i thim. A dang nih cun chungkhar le hawikom he i pehtlaihnak caah internet kha an hman. Asinain Satan nih Jehovah he kan i pehtlaihnak a rawh nakhnga internet kha ningcang loin hmanter a kan duh. Internet hman ṭih a nunnak hngalhthiam awk le hrial khawh awkah Jesuh bantukin Baibal phunglam kha kan hman khawh.—Luka 4:4, 8, 12.

HRIAL DINGMI RAP HNA:

• Internet luan tukin hmannak. Internet zohnak ah caan tam tuk hmannak nih Jehovah ca i kan hman dingmi caan kha a hnorsuan khawh.

  Baibal phunglam: Efe. 5:15, 16; Fil. 1:10

• A ṭhalomi thil zohnak. A ṭhalomi hmanthlak kan zoh ahcun a thurhnawmmi hmanthlak zohnak nih a kan lem lai. Zumhpialmi hna nih an ṭialmi asiloah an blog zohnak nih mi pakhat zumhnak kha a derter khawh.

  Baibal phunglam: Matt. 5:28; Fil. 4:8

• Aa tlak lomi caṭial asiloah hmanthlak taarnak. Lungthin cu a zer tuk caah mi pakhat nih internet ah aa tlak lomi caṭial asiloah hmanthlak taar kha a duh men lai. Asinain mah nih mi pakhat a min kha a chiatter khawh i a zumhnak zong a derter khawh.

  Baibal phunglam: Rom 14:13; Efe. 4:29

INTERNET IN PEHTLAIHNAK AH A FIMMI SI TIMI VDEO KHA ZOH LAW VIDEO CHUNGAH LANGHTERMI THIL SINING HRIAL KHAWH NING KONG KHA SI RUAH U: