KHRIHFA NUNNING IN NUNNAK
Harnak Inkhawh Awkah Jehovah Nih A Kan Bawmh
Atu ni hmanung bik caan ah harnak tampi kan tong hna. A caan ah kan tonmi harnak hna cu inkhawh awkah a har tuk tiah kan ruah khawh men. Asinain Jehovah kha kan naih peng ahcun kan caah a har tukmi hneksaknak hna hmanh kha inkhawh awkah a kan bawmh lai. (Isa. 43:2, 4) Harnak kan ton tikah Jehovah kha zeitindah kan naih khawh?
Thlacamnak. Kan lungchung ummi vialte kha kan phuan tikah Jehovah nih lungdaihnak le inkhawhnak ngeih awkah thazaang a kan pek.—Fil. 4:6, 7; 1 Thes. 5:17.
Pumhnak. Pumhnak ah Jehovah nih a kan pekmi thlarau rawl le hawikomhnak kha a hlan nakin kan herh deuh. (Heb 10:24, 25) Pumhnak caah kan i timtuah, kan i pum i a phi kan pek tikah Jehovah thlarau bawmhnak in ṭhathnemhnak tampi kan hmu.—Biat. 2:29.
Phungchimnak. Pumhchim rianṭuannak ah i manh lo ngaiin kan i tel peng khawh nakhnga kan tuah khawhmi thil paoh kan tuah ahcun a ṭhami thil cungah lungthin pek dingin kan i fawih deuh lai. Jehovah le kan rianṭuanṭi hawi pawl he kan i hawikomhnak zong a fek chin lai.—1 Kor. 3:5-10.
JEHOVAH NIH AAN COHLAN LAI TIMI VIDEO KHA ZOH LAW MAH BIAHALNAK HNA HI PHI:
Malu kha harnak a ton chungah Jehovah he i naih peng dingin zei nih dah a bawmh?
Malu bantukin harnak kan ton chungah Salm 34:18 nih zeitindah a kan hnemh khawh?
Harnak kan ton tikah Jehovah nih “thil ti khawhnak ṭhawnnak” a kan pek ti kha Malu hmuhtonnak nih zeitindah a langhter?—2 Kor. 4:7