Baibal Awkhumhmi Kha Ṭha Tein Na Hmang Maw?

Baibal awkhumhmi cu zeidah a si? Baibal awkhumhmi cu remh ṭhanmi Vawlei Thar Lehnak Baibal awkhumhmi kha a si. Holh phun tam khawh chung tam in duhsah tein chuah a si. Baibal awkhumhmi aa thleidannak pakhat cu Baibal chung i an kong ṭialmi pakhat cio caah aa lo lomi aw kha hman a si. Baibal kong kha a hmaan ning tein langhter khawh awkah biafang pawl kha aa tlakmi aw cawi le intuarnak he rel a si.

Mi cheukhat nih Baibal awkhumhmi in zeitindah ṭhatnak an hmuh? Baibal awkhumhmi nih Pathian Bia kha a nunter caah hmaan tein a ngaimi hna nih an duh. Baibal chung i an kong ṭialmi pakhat cio caah aa lo lomi aw in relmi kha an theih tikah a cangmi kong kha ṭha deuh in an hmuhthiam khawh i a sullam zong kha fiang tein an hngalh khawh. (Ptb. 4:5) Mi tampi cu lungretheihnak an ton tikah Baibal awkhumhmi an ngaihnak thawngin lungdaihnak zong an hmu.—Salm 94:19.

Pathian Bia aw chuah in relmi kan theihmi cu kan nunnak ah huham tampi a ngei kho. (2 Chan. 34:19-21) Na hngalhthiammi holh in awkhumhmi Baibal a uk ning asiloah a cheubang in a um ahcun mah awkhumhmi ngaihnak kha hmaan tein na tuah tawnmi thlaraulei thil ah na telh kho lai maw?

BAIBAL AWKHUMHMI AN CHUAH NING—A TAWINAK TIMI VIDEO KHA ZOH LAW MAH BIAHALNAK HNA HI PHI:

Baibal awkhumhmi an chuah ning he aa tlaiin zeinihdah na lung an suk?