Hlathlai Awk Ruahnak Cheuhnak Hna

Kan Hla Pawl I Cinken Awkah Cawng

“Man ka ngei lo timi ruahnak ka ngeih tikah Jehovah nih JW Broadcasting^® i hla pawl in tha a ka pek.”—Lorraine, U.S.A.

Pathian biaknak ah “hla thiang” saknak cu aa telmi a si. (Kol. 3:16) Mah hla pawl kha naa baihat ahcun hla cauk asiloah electronic thilri na ngeih lo tikah mah nih aan bawmh lai. Hla pawl baihat khawh awkah a tanglei ah langhtermi ning in zul.

• Hla a sullam hngalhthiam awkah hla a biafang pawl kha ṭha tein rel. Hla a sullam na hngalhthiam ahcun naa cinken khawh deuh lai. Original hla le ngakchia hla pawl i telin kan hla dihlak kha jw.org ah hmuh khawh a si. Library tang ah a ummi Music timi ah zoh.

• Hla a biafang pawl kha na kut in ṭial. Cutin na ṭialmi nih i cinken awkah aan bawmh lai.—Deut. 17:18.

• Aw chuah in hla sa. Hla kha rel lengmang asiloah sa ṭhan lengmang.

• Zei tluk in dah naa cinken ti kha check. Hla a biafang pawl kha zoh loin cinken awkah i zuam, mah hnuah zei tluk in dah naa cinken ti kha check.