14. A ngaih a chiami hna hnemh awkah zei bia dah kan chim khawh?

¹⁴ A ngaih a chiami pakhat sinah zeidah ka chim lai ti kan hngalh lo caan a um kho. Asinain “mifim mi bia nih cun hma kha a damter” tiah Baibal nih a ti. (Ptb. 12:18) Mi tampi nih Na Dawtmi Pakhatkhat Nih Aan Thihtak Tikah timi brochure in hnemhnak an hmu.d Asinain na tuah khawhmi lakah bawmtu a si bikmi cu ‘a ṭapmi sinah va ṭah ve’ kha a si. (Rom 12:15) A vapa nih a thihtakmi Gaby nih ka intuarnak kha ṭahnak in ka langhter tawn tiah a ti. Cun hitin a ti chap: “Ka hawile nih an ka ṭahpi tikah hnemhnak ka hmu. Keimah lawng a ngaih a chiami ka si lo tiah ka ruah.”

20. Jehovah biakam cu zeicah hnemhnak hrampi a si?

²⁰ Zeizong vialte ah a kan hnemtu Jehovah nih thawhṭhannak caan ah ngaihchiatnak vialte a hloh dih lai ti hngalh cu hnemhnak taktak a si. (Johan 5:28, 29) Pathian nih hitin bia a kan kamh: “BAWIPA nih thihnak cu zungzal ca in a hrawh lai. Mi vialte cu an mitthli a hnawh hna lai i a miphun nih vawleicung khuazakip ah zomhtaihnak an inmi kha a lakpiak hna lai.” (Isa. 25:8) Mah tikah cun ‘a ṭapmi sinah ṭah ve’ si ti loin ‘aa lawmmi sinah i lawmh ve’ a si cang lai.—Rom 12:15.