Ruahnolhnak Puai ah i Pumh awkah Mikip kha Sawm Hna

February 27 ah thawk hngami campaign chungah kan sang ah a ummi mikip kha Khrih a thih Philhlonak Puai ah i pumh ve dingin kan si khawh chungin kan sawm hna lai.Lungthawhnak a ngeimi ahopaoh kha bawm peng hna.

TUAH KHAWH NING

SAWMNAK CATLAP PEKṬHENH NING

“A biapimi puai ah i pumh ve awkah mah sawmnak catlap hi kan in pekmi a si. March 23 ah vawleicung pumpi i mi nuai tampi cu Jesuh Khrih a thih Philhlonak Puai tuah awkah an i pum lai. Mah puai ah Jesuh a thihnak in zei ṭhatnak dah hmuh khawh a si timi phungchimnak kha man loin ngaih a si lai. Mah sawmnak catlap ah a caan le a hmun aa ṭial. Zaangfahnak in rak i pum ve.”

Lungthawhnak a ngeih ahcun . . .

• VENNAK INNSANG KHA PE

  A hnu lennolh ṭhan awkah bia danh ta.

• RUAHNOLHNAK PUAI VIDEO KHA PIAHPIAK

  A hnu lennolh ṭhan awkah bia danh ta.

A hnu lennolh ṭhan tikah na tuah khawhmi cu  . . .

• ZEICAH BAIBAL KAN CAWN?

  Baibal cawnnak caah bawmtu a simi cauk kha pe.

• AIBAL CAWNPIAKMI TAKTAK CU ZEIDAH A SI?

  Ruahnolhnak Puai kong tam deuh in a hngalh nakhnga cahmai 206-208 ah aa telmi kong kha chim law cauk kha pe.

• PATHIAN BIA NGAI

  Cahmai 18-19 i Khrih thihnak a sullam kha chim law brochure kha pe.