HLA 7
Jehovah Cu Kan Thazaang
(Isaiah 12:2)
1. Lianngan Jehovah, kan thazaang ṭhawnnak,
Kan Khamhtu le kan i lawmhnak na si.
Mi nih an ngaih duh zong, duh lo zongah,
Na thawngṭha chimmi na Tehte kan si.
(CHORUS)
Jehovah Lungpi, kan thazaang ṭhawnnak,
Na min thiang kan thanh, chun he zan he.
Sunglawi Jehovah, Lianngan Bik ṭhawnnak,
Kan i dornak le kan Ralhau na si.
2. Na ceunak chungah nuam te’n rian kan ṭuan;
A hmaanmi biatak, fiang tein kan hmuh.
Cathiang kawlnak in na nawlbia kan theih;
Na Pennak lei ṭan awkah kan i thim.
(CHORUS)
Jehovah Lungpi, kan thazaang ṭhawnnak,
Na min thiang kan thanh, chun he zan he.
Sunglawi Jehovah, Lianngan Bik ṭhawnnak,
Kan i dornak le kan Ralhau na si.
3. Lunglawm tein na duhnak kha kan tuah.
Satan nih doh zongah kan in bochan.
Kan bawm zungzal ko, thah kan si zongah,
Na Nawlngeihnak ca dongh tiang zumhfeh awk.
(CHORUS)
Jehovah Lungpi, kan thazaang ṭhawnnak,
Na min thiang kan thanh, chun he zan he.
Sunglawi Jehovah, Lianngan Bik ṭhawnnak,
Kan i dornak le kan Ralhau na si.
(2 Sam. 22:3; Salm 18:2; Isa. 43:12 zong zoh.)