CAWN DINGMI 12
Dawtnak le Zawnruahnak
1 Thesalon 2:7, 8
A TAWINAK: Lungtak tein chim. A ngaitu hna na dawt hna kha langhter.
TUAH KHAWH NING:
A ngaitu hna kong kha ruat. An tonmi buaibainak kha ruat law na lungthin kha i timtuah. An intuarnak kha hngalhthiam awkah i zuam.
Biafang hna kha ṭha tein thim. A ngaitu hna nih hrimhnak, hnemhnak le thazaang an hmuh khawh nakhnga i zuam. An lung a fahter hngami biafang pawl kha hmang hlah. Jehovah a zum lomi hna kong le an zumhnak kong kha a chiatnaklei in chim hlah.
Zawnruahnak langhter. Aw nem tein chim. Aa tlakmi umtu hoiher ning kha hmang. A ngaitu pawl na dawt taktak hna kha hngalhter hna. Hmai panh tein um.