Aa Tlakmi Biaruahnak Siter

Filip Nih Zeidah A Tuah?

VIDEO: Filip Nih Ethiopia Bawipa Phung A Chimh

1. VIDEO kha zoh asiloah Lamkaltu 8:30, 31 rel. Cun a tanglei biahalnak hna hi i ruah u:

1. Filip nih zeitindah biahram a thawk?

2. Mah cu biahram thawk awk le mah pa nih a theih rih lomi biatak kong chimh awkah zeicah aa tlakmi lam a si?

Filip Sinin Zeidah Kan Cawn Khawh?

2. Aa tlakmi biaruahnak kan ngeih ahcun midang nih kan chimmi kha ngaih an duh deuh lai i an sia zong a rem deuh lai.

Filip Kha I Zohchunh

3. Ngia hna. A mithmai le a umtu na zohnak thawng in mi pakhat kha a kong tampi na hngalh khawh. Nangmah he biaruah a duhmi a lo maw? A lawh ahcun “. . . kong na thei bal maw?” tiah a sawhsawh tein na halnak thawng in Baibal biatak kong kha na chimh khawh. Bia ruah a duh lomi pakhat kha bia ruah awkah hnek chih hlah.

4. Na lungsau. Baibal biatak kong kha ka chimh colh awk a si tiah ruat hlah. Ṭha tein bia na ruah khawh nakhnga aa tlakmi caan kha hngak. Mah cu a caan ah mi pakhat he bia i ruah awkah a hnu nan i ton ṭhan tiang hngah a hau kho men tinak a si.

5. A herh ning in thlennak tuah. Mi pakhat nih naa ruahchan lomi bia hna a hun chim khawh men. Cucaah a chimmi cu naa timhtuahmi he aa lo lomi a dang Baibal biatak a si hmanh ah amah he aa tlakmi kong kha lungtho tein chim.