Zumhawktlak Si Zungzal

1. Zumhawktlak si, Jehovah cung,

A fekmi dawtnak langhter.

A sin i aa pumpemi in,

A nawlbia hngalh kan duh ko.

Lamhruainak a kan pekmi le

Ruahnak cheuhmi kha kan zulh.

Zumhtlak a si; kan i bochan.

A sinin kan i ṭhen lo.

2. Unau cungah zumhawktlak si,

A herh caan ah kan i bawm.

Kan i zohkhenh, kan i bochan,

Dawtnak he kan i pehtlai.

Kan unau kha kan upat hna,

Lungtak in kan hmaizah hna.

Zumhfehnak nih a kan naihter;

Zeitikhmanh kan i ṭhen lo.

3. Unaupa pawl lamhruainak kha

Zumhtlak te’n kan zulh zungzal.

A fiangmi lam an kan hmuhsak,

Zumhfek tein kan zulh lai.

Jehovah thluachuah pekmi nih

Thazaang a kan ngeihter chin.

Zumhawktlak te’n kan um ahcun,

Bawi Jehovah ta kan si.