Pathian Sal Thlacamnak

1. Vancung kan Pa, Jehovah Cungnung Bik,

Na min cu thianter in thangṭhat si ko seh.

Na duhnak vialte na tlinter khawh,

Na Pennak ca’h zumhnak he thla kan cam.

Bia na ceih caan ra cang seh,

Thluachuahnak hmu hram u sih.

2. Nitin hmuhmi thluachuah ca kan i lawm.

Na laksawng hna cu rel cawk loin a tam.

Nunnak hram, ceunak Petu na si,

Fimnak, hngalhnak le thleidan khawhnak pek.

Na dawtnak thangṭhat buin

Nitin na cung kan i lawm.

3. Hi vawlei ah sifah harnak a tam.

Na sinin bawmhnak, hnemnak kan i ruahchan.

Kan Pa, na sinah thilrit kan ṭhumh.

Cutin tuah duhnak le thazaang kan pe.

Na duhnak tuah awk kan bawm,

Kan biakamnak zulh kan duh.