19 Me mwan, mon konn tre byen ki lerwa Lezip pa pou les zot ale amwen ki en lanmen for i fors li pour les zot ale.+ 20 Alor, mon pou lev mon lanmen e pini Lezip par fer bann keksoz ekstraordiner dan sa pei, apre sa, i pou les zot ale.+

6 Alor, Zeova ti dir Moiz: “Aprezan ou pou vwar sa ki mon pou fer avek Faraon.+ Mon lanmen for pou fors li pour les mon pep ale e mon lanmen for pou fors li pour pous zot dan son pei.”+

8 Alor, Moiz ek Aaron ti ganny demande pour retourn kot Faraon e i ti dir zot: “Ale, ador Zeova zot Bondye. Me lekel egzakteman ki pou ale?” 9 Moiz ti reponn: “Nou pou al avek nou bann zenn, nou bann aze, nou bann garson ek fiy, nou bann mouton ek nou bef,+ parski nou pou fer en lafet pour Zeova.”+ 10 Faraon ti dir zot: “Si mon les zot ek zot zanfan ale, vre Zeova i avek zot!+ I kler ki zot anvi fer en move keksoz. 11 Ditou! Zis bann zonm ki pou kapab al ador Zeova parey zot in demande.” Apre sa, zot ti ganny pouse devan Faraon.