14 Alor, Moiz ti anvoy bann mesaze sorti Kades pour al kot lerwa Edonm:+ “La sa ki ou frer Izrael+ i dir, ‘Ou konn tre byen tou bann difikilte ki nou’n pas atraver.

17 Silvouple, les nou travers dan ou pei. Nou pa pou pas dan okenn plantasyon, ni plantasyon rezen e nou pa pou bwar delo dan okenn pwi. Nou pou mars zis lo Semen Lerwa e nou pa pou vir ni a drwat ni a gos ziska ki nou’n fini travers dan ou pei.’”+

21 Alor, bann Izraelit ti anvoy bann mesaze kot Sionn, lerwa bann Amorit e dir:+ 22 “Les nou travers ou pei. Nou pa pou pas dan okenn plantasyon, ni plantasyon rezen. Nou pa pou bwar delo dan okenn pwi. Nou pou mars zis lo Semen Lerwa ziska ki nou’n fini pas dan ou pei.”+