10 Apre sa, i ti fer en latab avek dibwa akasya,+ de koude* longer, en koude larzer ek en koude edmi oter.+ 11 I ti kouver li avek lor pir e fer en bordir* avek lor toultour sa latab. 12 I ti osi fer en lankadreman larzer kat ledwa* toultour sa latab e i ti met en bordir* annor lo sa lankadreman. 13 I ti fer kat gro bag annor e i ti met zot dan son kat kwen kot son kat lapat i ete. 14 Sa bann gro bag ti o bor sa lankadreman latab pour pas sa bann bar ladan pour anmenn latab. 15 Apre i ti fer bann bar avek dibwa akasya e kouver zot avek lor pour kapab anmenn latab.