14 Apre i ti anmenn sa toro pour sakrifis pour pese e Aaron ek son bann garson ti poz zot lanmen lo latet sa toro ki pour sakrifis pour pese.+ 15 Moiz ti touy sa toro, i ti tranp son ledwa dan disan+ sa toro e met sa disan lo korn sa kat kote lotel pour pirifye li e i ti vid larestan disan ater o bor lotel pour ki lotel i ganny sanktifye pour ki bann sakrifis pour pardonn pese i kapab ganny ofer lo la. 16 Apre sa, Moiz ti pran tou lagres ki lo trip, lagres ki lo lefwa, sa de ronnyon ek zot lagres e i ti bril zot pour ki lafimen i monte lo lotel.+ 17 Me i ti fer larestan sa toro, son lapo, son lavyann ek son malpropte ganny brile an deor kan,+ zis parey Zeova ti’n donn lord Moiz.