16 Touy sa mouton e fann son disan lo tou le kat kote lotel.+ 17 Koup sa mouton an morso e lav son trip+ ek lapat. Apre aranz sa bann morso ansanm avek son latet. 18 Ou devret bril sa mouton antye pour ki lafimen i monte lo lotel. Sa i en lofrann brile* pour Zeova, en bon loder ki fer li plezir.*+ Sa i en sakrifis ki ganny ofer dan dife pour Zeova.

18 Apre i ti anmenn en mal mouton konman en lofrann brile* e Aaron ek son bann garson ti poz lanmen lo latet sa mouton.+ 19 Moiz ti touy sa mouton e i ti fann son disan lo tou le kat kote lotel. 20 Moiz ti koup sa mouton an morso e i ti bril son latet, son bann morso ek lagres ki lo ronnyon pour ki lafimen i monte lo lotel. 21 Moiz ti lav son trip ek lapat avek delo e i ti bril sa mouton antye pour ki lafimen i monte lo lotel. Sa ti en lofrann brile, en bon loder ki fer Bondye plezir.* Sa ti en sakrifis ki ti ganny ofer dan dife pour Zeova, zis parey Zeova ti’n donn lord Moiz.

12 Apre Aaron ti touy sa lofrann brile e bann garson Aaron ti anmenn sa disan kot li. I ti fann sa disan lo tou le kat kote lotel.+ 13 Zot ti donn li bann morso lavyann sa lofrann brile* avek son latet e i ti bril tousala pour ki lafimen i monte lo lotel. 14 Apre i ti lav son trip ek lapat e bril zot par lao lofrann brile pour ki lafimen i monte lo lotel.