15 Sa pret pou pran en pe delwil dan sa log delwil+ e vid li dan son lanmen gos. 16 Sa pret pou tranp son ledwa lanmen drwat dan delwil ki dan son lanmen gos e fann en pe delwil avek son ledwa set fwa devan Zeova. 17 Apre, sa pret pou pran en pe delwil ki reste dan son lanmen e i pou met li anba lo zorey drwat sa dimoun ki pe ganny pirifye, lo son pous lanmen drwat e lo son gro pous lipye drwat dan menm landrwa kot i ti met disan sa sakrifis reparasyon. 18 Sa pret pou pas larestan delwil ki dan son lanmen lo latet sa dimoun ki pe ganny pirifye e sa pret pou fer sa pour ki pese sa dimoun i ganny pardonnen* devan Zeova.+