23 Moiz ti dir zot: “Sanmenm sa ki Zeova in dir. Demen i pou en zour repo,* en saba ki sen pour Zeova.+ Kwi sa ki zot bezwen kwi e bwi sa ki zot bezwen bwi,+ apre, anmas sa ki reste pour lannmen bomaten.”

8 “Rapel ki zour Saba i sakre.+ 9 Ou devret travay e fer tou sa ki ou annan pour fer pandan sis zour.+ 10 Me setyenm zour i en saba pour Zeova ou Bondye. Ou pa devret fer okenn travay, ni ou, ni ou garson, ni ou fiy, ni ou serviter, ni ou servant, ni ou zannimo domestik, ni en etranze ki reste dan ou vilaz.*+

13 “Koz avek bann Izraelit e dir zot, ‘Zot devret sirtou obeir lalwa konsernan mon bann saba,+ parski sa i en siny ant mwan ek zot pour zenerasyon apre zenerasyon pour ki zot konnen ki mwan Zeova mon’n sanktifye zot.*