40 Premye zour, zot pou pran fri bann zoli pye dibwa, fey pye dat,+ brans bann pye dibwa ki annan bokou fey ek brans bann pye dibwa* ki pous dan vale* e zot pou dan lazwa+ devan Zeova zot Bondye pandan set zour.+

12 Zot pou dan lazwa devan Zeova zot Bondye,+ zot ek zot bann garson, fiy, zot lesklav* ek bann Levit ki reste dan zot lavil* akoz zot pa’n ganny donnen okenn par oubyen leritaz avek zot.+

18 Zot devret manz sa bann keksoz devan Zeova zot Bondye dan sa landrwa ki Zeova zot Bondye pou swazir,+ zot ek zot garson, fiy, zot serviter ek servant e bann Levit ki reste dan zot lavil. Zot pou dan lazwa devan Zeova zot Bondye dan tou sa ki zot fer.

23 Ou pou manz en dizyenm dan ou dible, ou nouvo diven, ou delwil, premye piti ou bef, mouton ek kabri devan Zeova ou Bondye dan sa landrwa ki i swazir kot son non pou ganny glorifye.+ Koumsa ou pou aprann pour toultan annan en gran respe pour Zeova ou Bondye.+

26 Apre sa, ou pou kapab servi sa larzan pour aste sa ki ou anvi, ki swa bef, mouton, kabri, diven oubyen nenport lalkol. Ou pou kapab aste nenport keksoz ki ou anvi e ou ek ou fanmir pou manz li dan lazwa laba devan Zeova ou Bondye.+

11 Bann ki fer sa ki byen i devret selebre e dan lazwa akoz Zeova.

Bann ki annan en leker senser i devret kriye avek lazwa.

 2 Ador Zeova dan lazwa.+

Vin devan li e kriye avek lazwa.

4 Fodre zot toultan annan lazwa akoz Senyer. Ankor enn fwa mon dir zot, Fodre zot zwaye!+