16 Zeova ti dir Moiz: “Swazir 70 zonm parmi bann ansyen Izrael, bann zonm ki ou konsider konman bann ansyen ek sef kalifye parmi lepep.+ Anmenn zot kot latant renyon e met zot debout la avek ou. 17 Mon pou desann+ e koz avek ou laba.+ Mon pou pran en pe lespri sen+ ki lo ou e donn zot. Zot pou ed ou anmenn fardo sa pep koumsa ou pa pou tousel.+

34 Zeova ti donn* Gideonn son lespri sen.+ Gideonn ti soufle tronpet*+ e bann Abi-Ezrit+ ti ralye deryer li.

29 Zeova ti donn Zefta son lespri sen+ e Zefta ti pas par Gilead e dan teritwar Manase pour al Mizpe ki Gilead.+ Apre, i ti kit Mizpe e al atak bann Amonnit.

5 Alor Sanmson ti desann Timna avek son manman ek son papa. Ler i ti ariv dan bann plantasyon rezen Timna, en lyon ti vini e konmans kriye. 6 Apre, i ti ganny lafors atraver lespri sen Zeova+ e i ti desir sa lyon an de zis parey en dimoun i desir en zenn kabri an de avek son lanmen. Me i pa ti dir son manman ek son papa sa ki i ti’n fer.

14 Ler i ti ariv Lei, bann Filisten ti kriye e selebre ler zot ti vwar li. Sanmson ti ganny lafors atraver lespri sen Zeova+ e sa bann lakord dan son lebra ti vin parey bann difil linenn ki’n ganny brile e zot ti fonn dan son lanmen.+

6 Ler Sail ti tann sa, lespri sen Bondye ti donn li lafors+ e i ti pran en gran lakoler.

13 Alor Samyel ti pran sa korn delwil,+ vid delwil lo son latet devan son bann frer. Depi sa zour, lespri sen Zeova ti konmans donn David lafors.+ Pli tar, Samyel ti leve e al Rama.+

15 Bondye ti donn Azarya garson Oded son lespri sen.