39 Pret Zadok ti pran korn delwil+ ki ti dan latant,+ vid lo latet Salomon e fer li vin lerwa.+ Zot ti konmans soufle tronpet e tou dimoun ti konmans kriye: “Viv Lerwa Salomon!” 40 Apre sa, bann dimoun ti mont ansanm avek li. Zot ti pe zwe laflit e pe kriye dan lazwa. Zot ti pe fer en kantite tapaz ki later ti tranble.+

12 Apre sa, Zeoada ti anmenn garson lerwa+ deor. I ti met kouronn* lo son latet ansanm avek Temwannyaz.*+ Zot ti fer li vin lerwa e vid delwil lo son latet. Zot ti konmans bat lanmen e dir: “Viv lerwa!”+

14 I ti vwar lerwa pe debout o bor pilye dapre zot koutim.+ Bann sef ek bann dimoun ki soufle tronpet+ ti ansanm avek lerwa. Tou dimoun dan pei ti dan lazwa e pe soufle tronpet. Alor Atalya ti desir son lenz e kriye: “Konplo! Konplo!”

39 Zot ti reste laba avek David pour trwa zour. Zot ti manze e bwar parski zot bann frer ti’n prepar bann keksoz pour zot. 40 Osi, bann dimoun ki ti reste pros avek zot e menm bann ki ti reste lwen ziska dan teritwar Isakar, Zeboulonn ek Naftali ti anmenn manze lo bann bourik, samo, mile* ek bef. Zot ti anmenn en kantite lafarin, gato fig ek rezen, diven, delwil, bef ek mouton, parski i ti annan lafet Izrael.