2 Zeova ti dir Gideonn: “I annan tro bokou dimoun avek ou pour mwan livre Madyann dan zot lanmen.+ Si non, Izrael pou vant son lekor e dir, ‘Mwan menm ki’n sov mon lekor.’+

15 Ler serviter* Elisa ti leve granmaten e al deor, i ti vwar en larme avek zot bann seval ek saret lager ki ti pe anserkle lavil. Deswit sa serviter ti dir li: “Ar wi mon met! Ki nou pou fer?” 16 Me i ti dir: “Pa bezwen per!+ Parski i annan plis avek nou ki i annan avek zot.”+

11 Asa ti demann led Zeova son Bondye+ e dir: “O Zeova, i pa enportan pour ou si sa bann ki ou ede i en kantite oubyen si zot fay.+ O Zeova nou Bondye, ed nou parski nou pe depan* lo ou+ e nou’n vin lager avek sa gran larme akoz ou non.+ O Zeova, ou nou Bondye. Pa bezwen les dimoun* ganny laviktwar lo ou.”+