9 “Ekoute Izrael! Ozordi ou pe travers Larivyer Zourden+ pour pran pei bann nasyon ki pli gran e pli for ki ou,+ bann lavil ki vreman gran e ki ganny proteze avek bann gro miray ki ariv ziska dan lesyel,+ 2 en pep ki for e gran, bann garson Anakim+ ki ou konnen e ki ou’n tann dir lo zot, ‘Lekel ki kapab ranport laviktwar lo bann garson Anak?’ 3 Alor, ozordi menm ou devret konnen ki Zeova ou Bondye pou travers Larivyer Zourden par devan ou.+ Parski Bondye i en dife ki detrir konpletman+ e i pou detrir sa bann nasyon konpletman. I pou defet zot devan ou prop lizye pour ki ou kapab pous zot vitman e detrir zot, zis parey Zeova in promet ou.+

8 Zeova ti dir Zozye: “Pa bezwen per sa bann lerwa+ parski mon’n livre zot dan ou lanmen.+ I pou napa ni enn parmi zot ki pou kapab lager avek ou.”+