19 e apredmen, zot pou pli remarke ki ou pa la. Ou bezwen vin dan sa landrwa kot ou ti kasyet lot zour* e reste o bor sa ros ki la. 20 Mon pou viz e tir trwa fles akote sa ros, konmsi mon pe tap en target. 21 Mon pou dir mon serviter, ‘Al rod bann fles.’ Si mon dir mon serviter, ‘Gete! Bann fles i lo sa kote o bor ou, pran zot,’ ou pou konnen ki ou kapab retournen. Mon fer serman devan Zeova sa Bondye vivan ki sa i vedir ki ou napa nanryen pour per e ki napa okenn danze pour ou. 22 Me si mon dir sa garson, ‘Gete! Bann fles i par devan ou,’ ale, parski Zeova i anvi ki ou ale.