16 Ler David ti’n ariv en pe pli lwen avek sa latet montanny+ kot i ti ete, Ziba+ serviter Mefiboset+ ti la pe esper li. I ti’n anmenn de bourik ki ti pe anmenn 200 dipen, 100 gato rezen, 100 gato fri mir* ek en gran resipyan diven.+

27 Dek ki David ti ariv Maanaim, Sobi garson Naas ki sorti Raba+ en lavil bann Amonnit, Makir+ garson Amyel ki sorti Lo-Debar ek Barzilay+ en Gileadit ki sorti Rogelim 28 ti anmenn bann nat, kivet, resipyan ki’n ganny fer avek larzil, dible, lorz,* lafarin, lagrenn griye, gro pwa, lantiy, lagrenn sek, 29 dimyel, diber, mouton ek fromaz.* Zot ti anmenn tousala pour David ek bann dimoun ki ti avek li pour zot manze,+ parski zot ti dir: “Bann dimoun i lafen, fatige e swaf dan dezer.”+