10 Sanmenm sa mon pe anmenn maler lo fanmir Zeroboam e mon pou detrir* tou zonm* dan son fanmir, sa i enkli bann dimoun ki bezwen led ek bann ki fay dan Izrael. Mon pou netway lakaz Zeroboam+ e fer li vin prop zis parey en dimoun i tir malpropte ziska ki i nepli annan!

25 Nadab+ garson Zeroboam ti vin lerwa Izrael dan dezyenm lannen ki Asa ti lerwa Zida e i ti diriz Izrael pour de-z-an. 26 I ti kontinyen fer sa ki mal dan lizye Zeova. I ti fer menm parey avek son papa+ e i ti osi fer menm pese ki son papa ti fer Izrael fer.+ 27 Baasa garson Aiya ki sorti dan tribi* Isakar ti fer konplo kont Nadab. Baasa ti touy li dan lavil Gibetonn,+ en lavil Filisten pandan ki Nadab ek Izrael antye ti pe anserkle Gibetonn. 28 Alor, Baasa ti touy Nadab dan trwazyenm lannen ki Asa ti lerwa Zida e i ti vin lerwa dan son plas. 29 Dek ki i ti vin lerwa, i ti touy tou dimoun dan fanmir* Zeroboam e i pa ti kit okenn sirvivan. I ti detrir zot zis parey Zeova ti’n dir Aiya en Silonit.+

22 Pep Izrael ti kontinyen fer menm pese ki Zeroboam ti fer.+ Zot ti kontinyen fer sa bann move keksoz 23 ziska ki Zeova ti tir pep Izrael devan li zis parey i ti’n dir tou son bann profet.+ Alor Izrael ti ganny anmennen an egzil Asiri+ e zot ankor laba ziska ozordi.