30 Aab garson Omri ti fer bann keksoz pli pir dan lizye Zeova ki tou bann lerwa ki ti avan li.+ 31 I ti fer menm pese ki Zeroboam+ garson Nebat ti fer e konmsi sa pa ti ase, i ti osi marye avek Zezabel+ fiy Etbaal lerwa bann Sidonyen.+ I ti konmans ador e azenou devan Baal.+ 32 Deplis, i ti fer en lotel pour Baal kot lakaz* Baal+ ki i ti’n konstri Samari. 33 Aab ti osi fer en poto sakre.*+ I ti fer plis pour ofans Zeova Bondye Izrael, plis ki tou bann lerwa Izrael ki ti avan li.