10 “La sa ki Senakerib lerwa Asiri i dir, ‘Dan lekel ki zot annan konfyans ki zot pe kontinyen reste Zerizalenm menm si i’n ganny anserkle?+

4 Alor Rabsake ti dir zot: “Silvouple, dir Ezekya, ‘La sa ki gran lerwa, lerwa Asiri i dir: “Kwa ki fer ou konfidan?+ 5 Ou pe dir, ‘Mon annan en plan e mon annan lafors pour lager,’ me sa pa fer sans. Dan lekel ki ou annan konfyans ki ou oze rebel kont mwan?+ 6 Gete! Ou annan konfyans dan Lezip ki parey en zon* ki’n ganny kraze, ki si en dimoun i apiy lo la, i pou antre dan son plak lanmen. Koumsanmenm Faraon lerwa Lezip i ete pour tou sa bann ki annan konfyans dan li.+ 7 Si ou dir mwan, ‘Nou annan konfyans dan Zeova nou Bondye,’ pa Ezekya ki’n tir son bann landrwa ladorasyon ek son bann lotel,+ anmezir ki i ti dir Zida ek Zerizalenm, ‘Zot devret azenou devan sa lotel’?”’+ 8 Alor silvouple, fer sa lagreman avek mon senyer lerwa Asiri:+ Mon pou donn ou 2,000 seval si ou kapab ganny ase kavalye pour sa kantite seval. 9 Ki mannyer ou kapab ganny laviktwar lo en gouverner ki pli enferyer parmi bann serviter mon senyer, vi ki ou annan konfyans dan Lezip e ou rod saret lager ek kavalye kot zot? 10 Eski mon’n vin atak sa pei pour detrir li san permisyon Zeova? Zeova li menm ki’n dir mwan, ‘Al atak sa pei e detrir li.’”