• 2 Lerwa 23:36, 37
    Labib—Tradiksyon nouvo lemonn

    • 36 Zeoyakim+ ti annan 25 an ler i ti vin lerwa e i ti dirize pour 11 an ler i ti Zerizalenm.+ Son manman ti apel Zebida fiy Pedaya ki sorti Rouma. 37 I ti kontinyen fer sa ki mal dan lizye Zeova+ zis parey tou son bann zanset ti’n fer.+

  • Zeremi 24:8
    Labib—Tradiksyon nouvo lemonn

    • 8 “‘Me la sa ki Zeova i dir konsernan sa bann fig ki sitan pa bon ki personn pa kapab manze:+ “Mon pou konsider Lerwa Zedekya,+ son bann prens, larestan dimoun Zerizalenm ki’n reste dan sa pei ek bann dimoun ki pe reste Lezip,+ parey sa bann fig.

  • Zeremi 37:1, 2
    Labib—Tradiksyon nouvo lemonn

    • 37 Lerwa Zedekya+ garson Zosya ti konmans dirize dan plas Konya*+ garson Zeoyakim, parski Neboukadnezar* lerwa Babilonn ti’n fer li vin lerwa Zida.+ 2  Me Zedekya, son bann serviter ek bann dimoun dan sa pei pa ti ekout sa ki Zeova ti’n dir profet Zeremi.

  • Zeremi 38:5, 6
    Labib—Tradiksyon nouvo lemonn

    • 5 Lerwa Zedekya ti reponn e dir: “Gete! Sa zonm i dan zot lanmen, parski lerwa pa kapab fer nanryen pour anpes zot fer sa ki zot anvi.”

      6 Alor zot ti pran Zeremi e met li dan basen delo* Malkiya garson lerwa, ki ti dan Lakour Gard.+ Zot ti fer Zeremi desann dan sa basen delo avek lakord. I ti napa delo dan sa basen, i ti annan zis labou e Zeremi ti konmans anfonse dan sa labou.