6 Anmezir ki zot ti arive, Samyel ti vwar Eliab+ e i ti dir: “Sirman li menm li sa enn ki Zeova in swazir.” 7 Me Zeova ti dir Samyel: “Pa bezwen get son laparans ek son grander,+ parski mon pa’n swazir li. Dimoun pa vwar keksoz dan menm fason ki Bondye i vwar, parski zonm i vwar zis laparans, me Zeova i vwar sa ki i annan dan leker.”+ 8 Apre, Zese ti kriy Abinadab+ e anmenn li devan Samyel, me Samyel ti dir: “Sa enn osi Zeova pa’n swazir li.” 9 Answit, Zese ti anmenn Sama,+ me Samyel ti dir: “Ni li Zeova pa’n swazir.” 10 Alor Zese ti anmenn set son garson devan Samyel, me Samyel ti dir Zese: “Zeova pa’n swazir ni enn ant zot.”