-
1 Samyel 6:21-7:1Labib—Tradiksyon nouvo lemonn
-
-
21 Alor zot ti anvoy bann mesaze kot bann zabitan Kiriat-Zearim+ pour dir zot: “Bann Filisten in rann Lars Zeova. Desann e vin serse.”+
7 Alor bann zonm Kiriat-Zearim ti vin sers Lars* Zeova e mont avek kot lakaz Abinadab+ ki lo montanny e zot ti apwent* son garson Eleazar pour li kapab vey Lars Zeova.
-
-
2 Samyel 6:1, 2Labib—Tradiksyon nouvo lemonn
-
-
6 Ankor enn fwa, David ti rasanble tou bann pli bon solda dan Izrael, i ti annan 30,000 zonm. 2 Apre, David ek tou son bann zonm ki ti avek li ti al Baale-Zida pour al sers Lars* sa vre Bondye.+ Bann dimoun ti abitye al kot Lars pour loue* non Zeova Sef larme+ ki pe asiz lo son tronn par lao* bann seriben.*+
-
-
1 Kronik 15:3Labib—Tradiksyon nouvo lemonn
-
-
3 Apre, David ti rasanble pep Izrael antye Zerizalenm pour zot anmenn Lars Zeova dan sa landrwa ki i ti’n prepare pour sa Lars.+
-