19 Amonn+ ti annan 22 an ler i ti vin lerwa e i ti dirize pour de-z-an ler i ti Zerizalenm.+ Son manman ti apel Mesoulemet fiy Arouz ki sorti Zotba. 20 I ti kontinyen fer sa ki mal dan lizye Zeova zis parey son papa Manase ti’n fer.+ 21 I ti kontinyen fer menm parey avek son papa. I ti kontinyen ador e azenou devan bann zidol degoutan ki son papa ti adore.+ 22 Alor, i ti abandonn Zeova Bondye son bann zanset e i pa ti obeir* Zeova.+ 23 Pli tar, bann serviter Amonn ti fer konplo kont li e zot ti touy lerwa dan son prop lakaz. 24 Me bann dimoun dan pei ti touy tou sa bann ki ti’n fer konplo kont Lerwa Amonn e zot ti fer son garson Zosya vin lerwa dan son plas.+