11 Dek ki lerwa ti tann sa ki ti’n ganny ekrir dan liv Lalwa, i ti desir son lenz.+ 12 Apre, lerwa ti donn pret Ilkiya, Aikam+ garson Safann, Akbor garson Mikaya, Safann ki sekreter ek Asaya serviter lerwa, sa lord: 13 “Al rod gidans Zeova pour mwan, pour sa pep e pour Zida antye, konsernan sa ki’n ganny ekrir dan sa liv ki’n fek ganny trouve. Parski Zeova i vreman ankoler+ avek nou akoz nou bann zanset pa’n obeir sa ki’n ganny ekrir dan sa liv. Zot pa’n fer sa ki sa liv in dir nou devret fer.”