20 Lasanm Tre Sen ti mezir 20 koude longer, 20 koude larzer e 20 koude oter.+ I ti kouver sa lasanm avek lor pir. I ti osi kouver lotel+ avek dibwa sed.

23 I ti fer de seriben*+ avek dibwa sapen* pour met dan lasanm Tre Sen. Sak sa bann seriben ti mezir dis koude oter.+

6 Apre sa, bann pret ti anmenn lars lalyans Zeova dan son plas,+ dan sa lasanm ki pli anndan dan lakaz, setadir lasanm Tre Sen. Zot ti met li anba lezel bann seriben.+

7 Lezel bann seriben ti ouver gran par lao Lars pour ki sa bann seriben i kouver Lars ek son bann bar.+ 8 Sa bann bar+ ti sitan gran ki ou ti kapab vwar zot bout si ou ti dan lasanm Sen ki par devan lasanm Tre Sen.* Me ou pa ti kapab vwar sa bann bar si ou ti deor. Zot ankor la ziska ozordi. 9 I ti napa nanryen dan Lars eksepte sa de plak ros+ ki Moiz ti met ladan+ ler i ti Oreb, ler Zeova ti fer en lalyans+ avek pep Izrael pandan ki zot ti pe kit Lezip.+