12 I ti donn li plan tou keksoz ki i ti’n ganny dir ler i ti ganny enspire par Bondye konsernan bann lakour+ kot lakaz Zeova, tou bann lasal a manze otour lakaz, bann lasanm trezor dan lakaz sa vre Bondye e bann lasanm kot zot ti pou met bann keksoz ki zot ti’n fer vin sen,*+ 13 konsernan bann group pret+ ek bann Levit, konsernan tou bann travay dan servis kot lakaz Zeova ek tou bann keksoz ki ganny servi dan servis kot lakaz Zeova,

12 Apre, Salomon ti ofer bann lofrann brile*+ avek Zeova lo lotel+ Zeova ki i ti’n fer par devan larantre* sa lakaz.+

14 I ti osi swazir bann group pret+ pour zot fer zot bann travay dapre lord ki son papa David ti donnen. I ti swazir bann Levit pour zot fer zot travay ki zot sipoze fer, setadir pour loue Bondye+ e pour fer zot servis devan bann pret parey zot devret fer tou le zour. I ti swazir bann group gardyen baro pour diferan baro,+ parski David serviter* sa vre Bondye ti’n donn sa lord.