23 Apre en kantite letan,* lerwa Lezip ti mor.+ Me bann Izraelit ti kontinyen plennyen e kriy osekour akoz zot ti pe travay konman bann lesklav. Zot ti kontinyen kriy osekour pour ki sa vre Bondye i ed zot akoz zot ti pe soufer.+ 24 Avek letan, Bondye ti tann zot pe plennyen+ e i ti mazin son lalyans ki i ti fer avek Abraam, Izaak ek Zakob.+ 25 Alor, Bondye ti vwar sityasyon bann Izraelit e i ti pran pitye pour zot.

7 Zeova ti dir: “Mon’n vwar ki mon pep pe soufer Lezip e mon’n tann zot pe kriy osekour akoz sa bann ki pe fors zot pour travay. Mon konn tre byen zot soufrans.+